Content Incubator – Jan 2023

شكراً جزيلا لاهتمامك بالشغل معانا
 
زي ما إتكلمنا في الإيميل – هتختار ٢ سكربت من ال ٤ الي تحت دول. تحفظهم كويس. تصورهم بالموبايل. وتبعتهم تاني على الإيميل!
مع فيديو صغير بتحكيلنا فيه أكتر عن نفسك في ٣٠ ثانية.
يعني كل الي محتاجينه ٣ فيديوهات.
شوية ملحوظات:
– الفيديوهات المرسلة مش محتاجة تكون أكتر من تصوير في مكان إضاءته لطيفة بالموبايل مع حفظ السكربت.
– لن يتم إستخدام الفيديوهات بأي شكل من الأشكال على صفحاتنا ولكن إستخدامها في عملية الإختيار فقط.
 في إنتظاركم و بالتوفيق
🎤💥
——————
السكربتات:

-١-

ليه في جزء من أوربا في أفريقيا؟ دي حكاية سبتة ومليلية مُدن صغيرة على الساحل المغربى لكنهم جزء من أسبانيا، لسه أسبانيا محتفظه بيهم لحد النهارده في ظل مطالبات كتير من المغرب بإستعادتهم لكن بلا فايدة. مهاجرين أفارقة كتير بيحاولوا يسافروا لأوربا هجرة غير شرعية عن طريق المدينتين دول، لكن الأسوار والتحصينات بتزيد يوم عن التانى.

-٢-

بما ان امتحانات الثانوية العامة قربت .. خمس حاجات عبثية في منهج الثانوية العامة ! 😀
أول حاجه: ماذا طلب الشاعر من الصخرة؟ :
ابراهيم ناجي كان بيحب واحدة اسمها زوزو ماضي ايام ما كان دكتور وكان بيكتبلها شعر علي ضهر الروشتة لما بتروح تكشف عنده لحد ما قالتله في يوم انا مبحبكش واتجوزت واحد تاني فا راح المنصورة وقعد علي صخرة كتب بيتين شعر بقوا مقرر علي تالتة ثانوي ودرجاتهم ممكن تغير مستقبل واحد لمجرد ان ناجي حب ومطالش 🙁
تاني حاجه: لماذا كان يحب الصبيان البليلة :
في قصة الايام السيرة الذاتية للدكتور طه حسين كان بيحكي تفاصيل حياته كلها لدرجة انه كان بيحكي فيها كان مصروفه كام في اليوم وكان بيشتري بيه ايه حرنكش ودوم وبلية ونبوت الغفير وكان بيحس بإبه وهو بيشتري البليلة من راجل واقف بيبيع بليلة في الشارع وبيغسل الاطباق في جردل حمام معلقه علي العربية ؟ لماذا يا صديقي لماذا ؟ 😀
تالت حاجه: اسم ام قطز كان ايه؟ :
سؤال ملوش اي ستين لازمة خالص كان بيسأله مدرسين العربي في تانية ثانوية عشان يتطنططوا عليك لو قولتلهم انك مذاكر قصة مع انها لا شخصية محورية في القصة ولا ليها ايد في اي احداث كل اللي عملته انها ولدت محمود وماتت .. والسؤال ده تحسه اللى حطه مرتضى منصور 😀
قولوا ايه اكتر الحاجات اللى شايفينها مكنش ليها اى لازمة فى الثانوية ؟ 😀

-٣-

هل الروبوتات هتسيطر على العالم بجد؟
لما تسمع كلمة ذكاء إصطناعي
كل الي بيجي في بالك مشاهد الأفلام الي الروبوتات بتسيطر على العالم فيها!
ايه هو الذكاء الاصطناعي .. في أقل من ٦٠ ثانية!بالبلدي إننا نعلم كمبيوتر أو مجموعة كبيرة من الكمبيوترات إنها تعمل مهمات معينة بشكل متكرر أسرع وأعمق وبشكل أكفأ من الإنسان..

هل كده الروبوت أذكى من الإنسان؟ الحقيقة لأ.. خالص

الروبوت ممكن يعرف إنت رابط حزام العربية ولا لأ .. او يعرف إن الصورة دي فيها قطة والصورة دي فيها كلب.. وممكن يعمل حاجات أعقد بكتير من كده.. بس في النهاية الروبوت مش فاهم هو بيعمل إيه.. هو شاف ٥٠ مليون صورة قطة.. فبيشوف الصور الي شبههم ويقول دي قطة.. بس مثلا لو سمع صوت القطة مش هيعرفها غير بردو لو سمعته ٥٠ مليون صوت قطة.

ده الذكاء الاصطناعي في أقل من ٦٠ ثانية!
قولي في كومنت أتكلم عن إيه تاني!
وإبعت الفيديو لصاحبك الي خايف من غزو الروبوتات!

-4-

ازيك يا بيه

طبعاً بما انك هنا يبقى مبتعرفش تربط الكراڤات

ماهوعشان تبقى عايش كل ده من غير ما تعرف تربطها يبقى حاجه من اتنين

عمرك ما لبست بدلة في حياتك

ودي ممكن أعذرها عشان ممكن تكون فقير و كحيان وحالتك كرب

أو حد تاني بيربطهالك

زي مامي

يا ننوس عين مامي

تعالى ياهبل، تعالى، هعلمك ازاي تعملها

طبعبأبسط طريقة مناسبة لكائن أحادي الخلية

هتجيب الكراڤات، لو مش عارف شكلها ف اهي *الكاميرا تقرب عالكراڤات جامد*

وهتحطها على رقبتك، على ضهرها

أتمنى تكون عارف الفرق بين الوش والضهر، لو مش عارف ف الضهر بيبقى فيه تيكيت، يا كتكوت

بتجيب الحتة الكبيرة تحطها قدام الحتة الصغيرة، و تلفها من وراها (بتهكم)، و تسيب فتحة هنا بينهم، تكفي نعدي منها حاجه صغيرة خالص، زي مخك

بعد ما نعديها من ورا الحتة الصغيرة هندخلها من الفتحة دي و ندخلها تاني في الحتة دي، ونشد، مش جامد اوي عشان متتخنقش، ولو انك تستاهل

و ندخل النحية الرفيعة في الجزء ده، عشان متتطلعش لوحدها و يبقى شكلك عبيط أكتر من كده

طبعاً عشان انت محدود الذكاء مشفتش انا عملت ايه برده، هعيدهالك بالتصوير البطيء عشان اناسب قدراتك الذهنية

*الڤيديو يعيد بالبطيء*

مبروك، عملت انجاز مكنتش تحلم بيه، اتلهي

الإيميل الي هتبعت عليه:

Talents@ka2enat.com

OR

jobs@ka2enat.com

Marketers who use video are growing company revenue 49% faster year-over-year than those who don’t.

Insights, secret recipes, and high-level video marketing knowledge in our latest Ebook.

Video is critical to your content strategy because it’s snack-sized, memorable, and measurable. These aren’t just the components that make it perfect for your audience who crave short, engaging pieces, but they’re also the features that make a video every marketer’s dream format.

Find out how to integrate video into your marketing strategy by downloading this 15-min read E-book!